परीक्षा तयारीमा विद्यार्थीहरूलाई राहत : नेपाल टेलिकमको ‘NT Fiber विद्यार्थी अफर’ सार्वजनिक

काठमाडौं, पुस १८ ।
परीक्षा नजिकिँदै गर्दा अनलाइन माध्यमबाट पढाइ गर्ने विद्यार्थीहरूलाई सहजता प्रदान गर्न नेपाल टेलिकमले विशेष ‘NT Fiber विद्यार्थी अफर’ ल्याएको छ।
यस अफरअन्तर्गत विद्यार्थीहरूले ३० Mbps ब्यान्डविथसहितको उच्च गतिको इन्टरनेट सेवा वर्षभरका लागि मात्र रु. ४,९९९ मा पाउन सक्नेछन्। सो अफरमा एक थान डुअल ब्यान्ड राउटर र ड्रप फाइबर निःशुल्क उपलब्ध गराइनेछ भने जडान शुल्क मात्र रु. ५०० तोकिएको छ।
नेपाल टेलिकमका अनुसार विद्यार्थीहरूले जसरी पढे पनि — अनलाइन क्लास वा युट्युब ट्युटोरियलमार्फत — अब इन्टरनेटको चिन्ता लिनु नपर्नेछ।
त्यसैगरी, NT App पहिलो पटक डाउनलोड गरी लगइन गर्ने प्रयोगकर्ताले १ GB बोनस मोबाइल डेटा पनि पाउनेछन्।
नयाँ जडान वा मर्मतका लागि ग्राहकहरूले १९८ (NT नेटवर्क) वा ०१–५१९०१९८ (अन्य नेटवर्क) मा सम्पर्क गर्न सक्नेछन्। मोबाइल सेवासम्बन्धी समस्याका लागि १४९८ (NT नेटवर्क) वा ०१–५९०१४९८ (अन्य नेटवर्क) नम्बर उपलब्ध छ।
थप जानकारीका लागि नेपाल टेलिकमको वेबसाइट www.ntc.net.np हेर्न सकिनेछ।
नेपाल टेलिकमले विद्यार्थीहरूलाई अध्ययनमा सहजता पुर्‍याउने उद्देश्यले ल्याएको यो अफरले ग्रामीण तथा सहर दुबै क्षेत्रका विद्यार्थीहरूलाई लाभ पुर्‍याउने अपेक्षा गरिएको छ।