Diyale Khabar/दियाले खबर

  नुवाकोट ||नुवाकोट क्षेत्र नं. २ का प्रतिनिधि सभा सदस्य उम्मेदवार नेपाली काङ्ग्रेसको जगदीश्वर नरसिंह केसी ले मध्यपूर्वमा विकसित भइरहेको तनावपूर्ण अवस्थाप्रति गम्भीर चासो व्यक्त गरेका छन्। विशेषगरी इजरायल, इरान तथा खाडी मुलुकहरूमा बढ्दो द्वन्द्वका कारण त्यहाँ कार्यरत नेपाली नागरिकहरूको सुरक्षालाई लिएर उनले चिन्ता व्यक्त गरेका हुन्। केसीले जारी गरेको वक्तव्यमा प्रवासमा रहेका हरेक नेपालीको पसिनाको मूल्य र ज्यानको सुरक्षा आफ्नो पहिलो प्राथमिकता भएको स्पष्ट पारेका छन्। नुवाकोट क्षेत्र नं. २ का धेरै युवायुवती रोजगारीका लागि ती देशहरूमा रहेको उल्लेख गर्दै उनले संकटको घडीमा उनीहरूको सुरक्षाका लागि आवश्यक सबै पहल गरिने प्रतिबद्धता जनाए। मुख्य प्रतिबद्धताहरू: १. तत्काल उद्धार पहल: युद्धग्रस्त क्षेत्रमा रहेका नेपालीहरूको अवस्थाबारे जानकारी संकलन गरी सुरक्षित स्थानमा सार्ने वा स्वदेश फिर्ता ल्याउने विषयमा नेपाल सरकार तथा परराष्ट्र मन्त्रालयसँग व्यक्तिगत र पार्टीगत रूपमा निरन्तर समन्वय गर्ने उनले बताएका छन्। २. हेल्प डेस्क स्थापना: नुवाकोटबाट वैदेशिक रोजगारीमा गएका व्यक्तिहरूका परिवारलाई कानुन...

 बेलकोटगढी-४||बागमती प्रदेश सरकार अन्तर्गत संस्कृति तथा पर्यटन मन्त्रालय को पर्यटन विकास आयोजना, इकाई कार्यालय काठमाडौँको सहयोगमा नुवाकोटको बेलकोटगढी नगरपालिका–४ मा सबिनटोल डम्पु पार्क निर्माण कार्य सुरु गरिएको छ। ‎उक्त योजना “सविनाटोल डम्पु पार्क निर्माण” नामबाट सञ्चालनमा आएको हो। पार्क निर्माण उपभोक्ता समितिमार्फत कार्य अघि बढाइएको छ। योजना अन्तर्गत पार्क क्षेत्रको व्यवस्थापन, संरचना निर्माण तथा पर्यटक आकर्षित गर्ने पूर्वाधार विकासका काम गरिने जनाइएको छ। ‎ ‎परियोजनाको कुल लागत ९ लाख ८२ हजार १७९रुपैयाँ ९५ पैसा रहेको छ। यसमध्ये पर्यटन विकास आयोजनाबाट  ८ लाख  ५२हजार ०९१ रुपैयाँ ९५ पैसा र उपभोक्ता समितिबाट १ लाख रुपैयाँ रहनेछ। ‎आयोजनाको सम्झौता तथा कार्य प्रारम्भ मिति २०८२ साल माघ १९ गते तोकिएको छ भने २०८२ साल फागुन ३० गतेसम्म कार्य सम्पन्न गर्ने लक्ष्य राखिएको छ। बजेटको स्रोत बागमती प्रदेश सरकार, हेटौंडा (मकवानपुर) रहेको छ। ‎ ‎उपभोक्ता समितिका अध्यक्ष श्री बुद्धिमान गुरुङ, उपाध्यक्ष श्री भीम बहादुर गुरुङ, कोषाध्यक्ष श्री सरिता गुरुङ र सचिव श्री शरण गुरुङ रहे...

  रसुवा — नेपाल कम्युनिस्ट पार्टी (एमाले) रसुवाका निवर्तमान अध्यक्ष जनार्दन ढकाल सहित ७८ जना नेता तथा कार्यकर्ता नेपाली कांग्रेसमा प्रवेश गरेका छन्। बिहीबार आयोजित एक कार्यक्रममा कांग्रेसका केन्द्रीय नेता गगन थापाले उनीहरूलाई पार्टीमा स्वागत गरेका हुन्। कांग्रेस प्रवेश गरेका ढकाल २०७० सालको संविधान सभा निर्वाचनमा रसुवाबाट निर्वाचित सांसदसमेत हुन्। उनी एक वर्षदेखि एमालेप्रति असन्तुष्ट रहँदै आएका थिए। आफूलाई पार्टीबाट अन्याय भएको महसुस गर्दै गत वर्ष फागुनमै एमाले परित्याग गर्ने घोषणा गरेका ढकालले अन्ततः कांग्रेस रोजेका हुन्। राजनीतिक यात्रामा शालीन, संयमी र समन्वयकारी नेताका रूपमा परिचित ढकाल निर्माण व्यवसायसँग पनि आबद्ध छन्। उनको प्रवेशसँगै रसुवा जिल्लाको राजनीतिक समीकरणमा नयाँ प्रभाव पर्ने स्थानीय स्तरमा चर्चा सुरु भएको छ। कांग्रेसले भने अनुभवी नेताहरूको आगमनले संगठन सुदृढ हुने विश्वास व्यक्त गरेको छ।

दियाले||नुवाकोट जिल्लाको बेलकोटगढी नगरपालिका–४, दियाले सिक्रेपिपलमा निर्माणाधीन निङमा साङाग गुम्बा स्थानीय बासिन्दा तथा बौद्ध धर्मावलम्बीहरूका लागि आस्था र आध्यात्मिकताको महत्वपूर्ण केन्द्रका रूपमा विकसित हुँदै गएको छ। शान्त वातावरणमा अवस्थित यस गुम्बा क्षेत्रले धार्मिक साधना, प्रार्थना तथा सामुदायिक एकताको प्रतीकका रूपमा पहिचान बनाइरहेको छ। निर्माण कार्य अन्तिम चरणतर्फ उन्मुख हुँदै जाँदा स्थानीयवासीहरूमा उत्साह बढेको छ भने गुम्बा सम्पन्न भएपछि धार्मिक पर्यटनको सम्भावना समेत बढ्ने विश्वास गरिएको छ। स्थानीय बासिन्दाहरूका अनुसार गुम्बा निर्माणले यहाँको धार्मिक गतिविधि मात्र होइन, सामाजिक सद्भाव र सांस्कृतिक संरक्षणमा समेत ठूलो योगदान पुर्‍याउनेछ। बौद्ध धर्मको निङ्मापा परम्परा अनुसार स्थापना गरिएको यस गुम्बामा ध्यान, पूजापाठ, शिक्षा तथा विभिन्न धार्मिक कार्यक्रम सञ्चालन गरिने योजना रहेको छ। गुम्बा निर्माणमा स्थानीय समुदाय, दाताहरू तथा धर्मप्रेमी व्यक्तिहरूको सहयोग उल्लेखनीय रहेको निर्माण समितिले जनाएको छ। “यो गुम्बा हाम्रो आस्था मात्र होइन, भावी पुस्ताका लागि सांस्कृतिक धरोहर पनि हो,” एक ...

 मेयर कप अन्तर्गत आयोजित चौथो राष्ट्रिय सहिद स्मृति हाप्किडो च्याम्पियनशिप २०२६ सफलतापूर्वक सम्पन्न भएको छ। प्रतियोगितामा देशका सातै प्रदेशबाट खेलाडीहरूको उल्लेखनीय सहभागिता रहेको थियो। विशेषगरी बागमती प्रदेश अन्तर्गत बेलकोटगढी नगरपालिका वडा नं. ५ र ६ का हाप्किडो खेलाडीहरूले उत्कृष्ट प्रदर्शन गर्दै जिल्लाको गौरव बढाएका छन्। प्रतियोगितामा बेलकोटगढी नगरपालिका–६ स्थित मालिका माध्यमिक विद्यालय का खेलाडीहरूले विशेष सफलता हासिल गरेका छन्। उक्त विद्यालयका खेलाडीहरूले ७ वटा स्वर्ण, ६ वटा रजत तथा ४ वटा कास्य पदक जित्दै आफ्नो डोजाङलाई समग्रमा प्रथम स्थान दिलाउन सफल भएका छन्। खेलाडीहरूको कठोर मेहनत, अनुशासन र समर्पणका कारण उनीहरूले आफ्नो व्यक्तिगत पहिचान मात्र नभई प्रदेश, जिल्ला तथा विद्यालयको नाम समेत उच्च राख्न सफल भएको आयोजक तथा स्थानीयवासीले बताएका छन्। उत्कृष्ट नतिजा हासिल गर्ने सम्पूर्ण खेलाडी, प्रशिक्षक तथा विद्यालय परिवारलाई स्थानीय तहका जनप्रतिनिधि, अभिभावक र खेलप्रेमीहरूले बधाई तथा शुभकामना व्यक्त गरेका छन्। आगामी दिनमा पनि यस्ता उपलब्धिले राष्ट्रिय तथा अन्तर्राष्ट्रिय स्तरमा नेपाली...

  नुवाकोट — फागुन १ गते शुक्रबार मेयर कप तथा चौथो शहीद स्मृति राष्ट्रिय हाप्किडो च्याम्पियनसिप भव्यताका साथ सुरु भएको छ। प्रतियोगिताको उद्घाटन जगत बहादुर गुरुङ, मेयर – बेलकोटगढी नगरपालिका ले गर्नुभयो। नेपाने, बेलकोटगढी–४ मा आयोजित उद्घाटन समारोहमा दक्षिण एसियाली हाप्किडो महासंघ तथा नेपाल हाप्किडो संघ का अध्यक्ष काली बहादुर घर्ती र उपमेयर शिव प्रसाद दाहाल विशेष अतिथिका रूपमा उपस्थित हुनुभयो। साथै वडा अध्यक्षहरू चन्द्र बहादुर लामा र कौशीला पुडासैनीको पनि उपस्थिति रहेको थियो। नुवाकोट जिल्ला हाप्किडो संघका अध्यक्ष विकास गुरुङको अध्यक्षतामा सम्पन्न कार्यक्रममा नेपाल हाप्किडो संघका उपमहासचिव मोहम्मद मोसिन हलवाई, केन्द्रीय सदस्यहरू मनोज गुरुङ, राजेन्द्र मडै तथा मुख्य प्रशिक्षक प्रवीण गुरुङलगायतको सहभागिता थियो। प्रतियोगितामा सातै प्रदेशका करिब ५०० खेलाडीको सहभागिता रहेको आयोजकले जनाएको छ। उद्घाटन समारोहमा सात वटै प्रदेशका झाँकी तथा आकर्षक हाप्किडो डेमो प्रस्तुत गरिएको थियो।