‎सुपा महादेवफाँट कप अन्तर्गत खुल्ला 7A Side फुटबल प्रतियोगिता हुने

महादेवफाँट।बेलकोटगढी नगरपालिका–७, महादेवफाँटमा “सुपा महादेवफाँट कप” अन्तर्गत खुल्ला 7A Side फुटबल प्रतियोगिता आयोजना हुने भएको छ। न्यू भिजन युथ क्लब महादेवफाँटको आयोजनामा सञ्चालन हुन लागेको उक्त प्रतियोगिता यही २०८२ साल चैत ०४ गतेदेखि ०७ गतेसम्म महादेवफाँट खेल मैदान (जरुवा बगर) मा हुने आयोजकले जनाएको छ।

‎प्रतियोगितामा विजेता टोलीलाई नगद रु. ५०,००० तथा उपविजेता टोलीलाई नगद रु. २५,००० सहित ट्रफी, मेडल र प्रमाणपत्र प्रदान गरिनेछ। साथै प्रतियोगितामा उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक र उदयमान खेलाडी लाई पनि विशेष पुरस्कार प्रदान गरिने आयोजकले जानकारी दिएको छ।

‎प्रतियोगितामा सहभागी हुन चाहने टोलीले २०८२ चैत ०३ गते दिउँसो ३ बजेसम्म टिम दर्ता गर्न सक्नेछन्। टिम दर्ता शुल्क प्रति टिम रु. ५,५०० तोकिएको छ।
‎स्थानीय स्तरमा खेलकुद गतिविधिलाई प्रोत्साहन गर्ने तथा युवाहरूलाई खेलतर्फ आकर्षित गर्ने उद्देश्यले प्रतियोगिता आयोजना गरिएको आयोजकले जनाएको छ। प्रतियोगितामा विभिन्न स्थानबाट टोलीहरूको सहभागिता रहने अपेक्षा गरिएको छ।
‎टिम दर्ता तथा थप जानकारीका लागि ९८०३२१२९७४, ९७६७९६८१४८र ९८१३२६२८७५नम्बरमा सम्पर्क गर्न सकिने आयोजकले जनाएको छ।