मध्यपूर्व संकटबीच नेपाली कांग्रेसको सहायता कक्ष सञ्चालन

काठमाडौं|मध्यपूर्व क्षेत्रमा विकसित पछिल्लो अवस्थाका कारण मध्यपूर्व का विभिन्न देशमा रहनुभएका धेरै नेपाली दाजुभाइ तथा दिदीबहिनीहरू प्रभावित हुनुभएको छ। कतिपयलाई तत्काल राहत, स्थानान्तरण तथा उद्धारको आवश्यकता परेको छ भने धेरैजना आफ्नो परिवारसँग सम्पर्कविहीन अवस्थामा हुनुहुन्छ। साथै उडान रद्द हुँदा नेपालमै रोकिनुभएका नागरिकहरू पनि समस्यामा पर्नुभएको छ।

यस परिस्थितिलाई मध्यनजर गर्दै सरकारले आफ्नो तवरबाट पहल गरिरहेको अवस्थामा थप सहजीकरणका लागि नेपाली कांग्रेस ले विशेष ‘Help Desk’ सञ्चालनमा ल्याएको छ।
सम्बन्धित देशमा रहेका नेपाली जनसम्पर्क समिति तथा गैरआवासीय नेपाली संघ (NRNA) का प्रतिनिधिहरूसँग समन्वय गरी राहत, उद्धार तथा आवश्यक सहयोगलाई प्रभावकारी बनाउने कार्य भइरहेको छ।

त्यसैगरी उडान अवरुद्ध भई काठमाडौं मा रोकिनुभएका नेपालीहरूलाई आफ्नो गृह जिल्ला वा घरसम्म पुग्न यातायातको आवश्यक व्यवस्था समेत गरिएको जानकारी दिइएको छ।
📞 आवश्यक सहयोगका लागि सम्पर्क विवरण:
नेपाली कांग्रेस केन्द्रीय पार्टी कार्यालय
कृष्ण दुलाल – 9852054081

काठमाडौं बाहिर जान यातायात समन्वय:
भरतप्रसाद अर्याल – 9849884372

देशअनुसार सम्पर्क व्यक्ति:
बहराइन: शेर बहादुर रावत (+973 39016393) / पदम सुन्दर गुरुङ (+973 66907094)
कतार: मोहम्मद अजिज (+974 5523 5921) / राज रेग्मी (+974  66682067)
यूएई: भुवानि प्र. तिमल्सिना (+971 50 795 1019) / रमेश श्रेष्ठ (+971 50 398 0499)
इजरायल: खगेश्वर अधिकारी (+972 54-2859476) / राजेन्द्र उप्रेती (+972 53-7827619)
समस्यामा परेका नेपाली दाजुभाइ तथा दिदीबहिनीहरूलाई नआत्तिन र आवश्यक परेमा माथि उल्लिखित नम्बरहरूमा फोन वा WhatsApp मार्फत सम्पर्क गरी सहयोग लिन अनुरोध गरिएको छ।