‎चिम्टेश्वर साहित्य पदयात्रा–२०८३ आयोजना हुँदै

बेलकोटगढी— नुवाकोट साहित्य प्रतिष्ठान नेपालको आयोजनामा “चिम्टेश्वर  साहित्य पदयात्रा–२०८३” कार्यक्रम सञ्चालन हुने भएको छ। नेपाली भाषा, साहित्य र संस्कृतिको प्रवर्द्धन गर्ने उद्देश्यले आयोजना गरिएको यस पदयात्रा आगामी वैशाख २६ गते सम्पन्न हुने जनाइएको छ।
‎

‎कार्यक्रमले साहित्यप्रेमी, विद्यार्थी तथा सर्जकहरूलाई एकै ठाउँमा भेला गराई सिर्जनात्मक आदान–प्रदान गर्ने, नयाँ प्रतिभालाई प्रोत्साहन गर्ने तथा स्थानीय सांस्कृतिक सम्पदाको पहिचान गराउने लक्ष्य राखेको आयोजकले जनाएको छ। पदयात्राका क्रममा सहभागीहरूले प्राकृतिक सौन्दर्यसँगै साहित्यिक छलफल, कविता वाचन तथा विविध सिर्जनात्मक गतिविधिमा सहभागिता जनाउनेछन्।
‎

‎कार्यक्रम संयोजक रामकृष्ण अमरका अनुसार इच्छुक व्यक्तिहरूले समयमै नाम दर्ता गराई कार्यक्रममा सहभागी हुन सक्नेछन्। यसका लागि रामकृष्ण अमर, जानुका दाहाल, भगवती खनाल तथा प्रमिला परीसँग सम्पर्क गर्न सकिने जानकारी दिइएको छ।
‎
‎आयोजकले यस किसिमका कार्यक्रमले साहित्यप्रति रुचि बढाउनुका साथै पर्यटन प्रवर्द्धनमा समेत टेवा पुर्‍याउने विश्वास व्यक्त गरेको छ।‎