गृह मन्त्री सुदन गुरुङद्वारा राजीनामा

काठमाडौं । गृह मन्त्री सुदन गुरुङले पदबाट राजीनामा दिएका छन्। उनले आफूले सम्हाल्दै आएको जिम्मेवारीबाट आजकै मितिदेखि लागू हुने गरी राजीनामा दिएको घोषणा गरेका हुन्।
गुरुङले चैत १३, २०८२ देखि गृह मन्त्रीको रूपमा इमानदारीपूर्वक काम गर्दै आएको उल्लेख गर्दै पछिल्ला दिनहरूमा आफ्नो शेयरसम्बन्धी विषयमा उठेका प्रश्न, टिप्पणी र जनचासोलाई गम्भीर रूपमा लिएको बताएका छन्।

उनले सार्वजनिक जीवनमा नैतिकता र जनविश्वास सबैभन्दा महत्वपूर्ण हुने उल्लेख गर्दै देशमा सुशासन, पारदर्शिता र जवाफदेहिताको माग बढिरहेको सन्दर्भमा आफ्नो कदम आएको स्पष्ट पारे। साथै, उनले हाल युवापुस्ताबाट उठिरहेको परिवर्तनको आवाजले नेतृत्वलाई उत्तरदायी बन्न सन्देश दिएको पनि बताएका छन्।

गुरुङले आफूविरुद्ध उठेका विषयमा निष्पक्ष छानबिन होस् भन्ने उद्देश्यले तथा पदमा रहँदा कुनै प्रकारको स्वार्थको द्वन्द्व (conflict of interest) नदेखियोस् भन्ने हेतुले राजीनामा दिएको जनाएका छन्।
उनले आफ्नो कदमलाई नैतिक जिम्मेवारीको रूपमा व्याख्या गर्दै अब सञ्चारकर्मी, सर्वसाधारण तथा युवाहरूलाई सत्य, इमानदारी र आत्मशुद्धिको बाटोमा उभिन आह्वान गरेका छन्।
राजीनामापछि सरकार र सम्बन्धित निकायले यस विषयमा थप निर्णय लिने अपेक्षा गरिएको छ।