नुवाकोट, बेलकोटगढी — बेलकोटगढी नगरपालिका अन्तर्गतका आधारभूत तह (कक्षा ८) का विद्यालयहरूको वार्षिक परीक्षा नतिजा सार्वजनिक गरिएको छ।
शैक्षिक सत्र २०८२ को नतिजाअनुसार यस वर्ष विभिन्न विद्यालयबाट सहभागी भएका विद्यार्थीमध्ये समग्र उत्तीर्ण प्रतिशत सन्तोषजनक रहेको छ। नतिजामा बरदेवी आधारभूत विद्यालय(बेलकोटगढी-१०)ले (१८/१८) शतप्रतिशत सफलता हासिल गर्दै उत्कृष्ट प्रदर्शन गरेको छ भने नवज्योति आधारभूत विद्यालय(बेलकोटगढी-३) ले ८ विद्यार्थीमध्ये ८ जना उत्तीर्ण गराउँदै दोस्रो उत्कृष्ट नतिजा ल्याएको छ।
नगरपालिकाको शिक्षा शाखाका अनुसार यी विद्यालयहरूको नतिजा अन्य विद्यालयका लागि प्रेरणादायी मानिएको छ। साथै, समग्र शैक्षिक गुणस्तर सुधारका लागि आगामी दिनमा थप योजना तथा कार्यक्रम सञ्चालन गरिने जनाइएको छ।
नगरपालिकाले सबै विद्यालयलाई IEMIS प्रणालीमार्फत Gradewise Ledger प्रयोग गरी नतिजा हेर्न निर्देशन दिएको छ। साथै, नतिजा चित्त नबुझेमा निर्धारित समयभित्र निवेदन दिन सकिने व्यवस्था समेत गरिएको छ।
शिक्षक, अभिभावक तथा विद्यार्थीलाई नतिजाबाट सिक्दै आगामी दिनमा अझ उत्कृष्ट प्रदर्शन गर्न आग्रह गरिएको छ।
Comments
Post a Comment