Diyale Khabar/दियाले खबर

जापान, वैशाख २८ — राष्ट्रिय लोक तथा दोहोरीगीत प्रतिष्ठान नेपाल जापान शाखाले पछिल्लो समय नेपाली लोकदोहोरी गीत–संगीत, लाइभ दोहोरी कार्यक्रम तथा विभिन्न डिजिटल प्लेटफर्ममा सार्वजनिक भइरहेका केही प्रस्तुतिहरूप्रति गम्भीर ध्यानाकर्षण भएको जनाएको छ। शाखाले सोमबार एक विज्ञप्ति जारी गर्दै लोकदोहोरी क्षेत्रमा बढ्दो अश्लीलता, अमर्यादित हाउभाउ तथा सामाजिक मर्यादाविपरीतका गतिविधिप्रति चिन्ता व्यक्त गरेको हो। प्रतिष्ठानले नेपाली लोकदोहोरी गीत केवल मनोरञ्जनको माध्यम मात्र नभई नेपाली मौलिक कला, संस्कृति, सभ्यता, संस्कार र सामाजिक जीवनको ऐना भएको उल्लेख गरेको छ। विज्ञप्तिमा लोकसंस्कृतिको संरक्षण, प्रवर्द्धन र पुस्तान्तरण गर्नु कलाकार, सर्जक, सञ्चारकर्मी तथा सचेत नागरिकको साझा जिम्मेवारी भएको जनाइएको छ। विज्ञप्तिअनुसार पछिल्लो समय केही कलाकार तथा प्रस्तोताले सामाजिक सञ्जालमा ‘भ्युज’, चर्चा र आर्थिक लाभलाई प्राथमिकता दिँदै लोकदोहोरी गीत तथा सांगीतिक प्रस्तुतिलाई अश्लीलता र उत्तेजनातर्फ मोड्ने प्रयास गरेको आरोप लगाइएको छ। युट्युब, टिकटक र फेसबुकजस्ता माध्यममा प्रसारण हुने कतिपय सामग्रीले बालबालिका तथा ...

जापान||राष्ट्रिय लोक तथा दोहोरीगीत प्रतिष्ठान नेपालको जापान शाखाले  'अम्बर बिरही गुरुङ सांगीतिक साँझ तथा प्रथम जापान लोक तारा २०२६’ आयोजना गर्ने भएको छ। नेपाली लोक तथा दोहोरी संगीतको संरक्षण, श्रष्टाको सम्मान र नवप्रतिभाको प्रोत्साहन गर्ने उद्देश्यसहित कार्यक्रम आयोजना गर्न लागिएको आयोजकले जनाएको छ। आगामी जुन १४, २०२६ (आइतबार) मा जापानस्थित मेगुरो कुमिन सेन्टरमा दिउँसो १२ बजेदेखि कार्यक्रम सुरु हुने पोस्टरमार्फत जानकारी दिइएको छ। कार्यक्रममा वरिष्ठ लोक तथा दोहोरी गायक तथा सर्जक अम्बर बिरही गुरुङ विशेष आकर्षणका रूपमा रहनेछन्। कार्यक्रममा जापानमा रहेका नेपाली समुदायबीच लोक संस्कृति प्रवर्द्धनका साथै नयाँ प्रतिभाको खोजी तथा सम्मान गरिने आयोजकले जनाएको छ। कार्यक्रममा विभिन्न कलाकार, संगीतकर्मी तथा नेपाली समुदायका प्रतिनिधिहरूको समेत सहभागिता रहने अपेक्षा गरिएको छ। आयोजकका अनुसार कार्यक्रम सम्बन्धी थप जानकारीका लागि रामकृष्ण बम मल्ला, समुन्द्रराज पौडेल, सूर्य खड्का, दीपक कँडेल, महेन्द्र न्यौपाने तथा रबिन शर्मासँग सम्पर्क गर्न सकिनेछ।

बेलकोटगढी नगरपालिकामा स्थानीय तहबाटै जग्गा प्रशासन सम्बन्धी सेवा प्रवाह गर्ने उद्देश्यले भूमि व्यवस्था शाखा सञ्चालनको तयारीलाई अगाडि बढाइएको छ। यस सम्बन्धमा नगरपालिकाको उपप्रमुख शिव प्रसाद दाहालसँग जिल्ला मालपोत कार्यालय तथा नापी कार्यालयका प्रतिनिधिहरूबीच आवश्यक छलफल तथा निर्णय गरिएको हो। नगरपालिकामा आयोजित छलफल कार्यक्रममा भूमि व्यवस्था शाखा सञ्चालनका लागि आवश्यक पूर्वाधार निर्माण, कार्यालय व्यवस्थापन तथा आवश्यक जनशक्ति व्यवस्थापनका विषयमा विस्तृत रूपमा कुराकानी भएको थियो। स्थानीय नागरिकलाई सहज, छिटो तथा प्रभावकारी सेवा उपलब्ध गराउने उद्देश्यले सेवा प्रवाहलाई स्थानीय तहबाटै सञ्चालन गर्ने तयारी गरिएको जनाइएको छ। छलफलमा जिल्ला मालपोत कार्यालय र नापी कार्यालयका प्रतिनिधिहरूले आवश्यक समन्वय तथा प्राविधिक सहयोग गर्ने प्रतिबद्धता व्यक्त गरेका थिए। साथै शाखा सञ्चालनका लागि आवश्यक प्रक्रिया अगाडि बढाउने सम्बन्धमा समेत आवश्यक निर्णय गरिएको बताइएको छ।

नुवाकोट, बैशाख — नेपाली साहित्यको उत्थान, स्थानीय कला–संस्कृतिको संरक्षण तथा ओझेलमा परेका ऐतिहासिक एवं पर्यटकीय क्षेत्रहरूको प्रवर्द्धन गर्ने उद्देश्यसहित आयोजित “आठौँ नुवाकोट साहित्य पदयात्रा–२०८३” शनिबार भव्य रूपमा सम्पन्न भएको छ। नुवाकोट साहित्य प्रतिष्ठान नेपाल को आयोजनामा सम्पन्न उक्त कार्यक्रमले साहित्यलाई प्रकृति, भूगोल र स्थानीय पहिचानसँग जोड्ने महत्वपूर्ण प्रयास गरेको सहभागीहरूले बताएका छन्।पदयात्रा विदुर नगरपालिका को बट्टारबाट सुरु भएको थियो।  ‎ विभिन्न साहित्यकार, कवि, लेखक तथा साहित्यप्रेमीहरू सहभागी रहेको टोली ऐतिहासिक तथा सांस्कृतिक महत्त्व बोकेको बेलकोटगढी नगरपालिका हुँदै धार्मिक तथा प्राकृतिक सौन्दर्यले भरिपूर्ण चिम्टेश्वर क्षेत्रमा पुगेर कार्यक्रम सम्पन्न गरिएको थियो।पदयात्राका क्रममा सहभागीहरूले नुवाकोटका ग्रामीण बस्ती, प्राकृतिक दृश्य, स्थानीय संस्कृति र धार्मिक सम्पदाको अवलोकन गरेका थिए। यात्राभर विभिन्न स्थानमा साहित्यिक छलफल, कविता वाचन तथा सिर्जनात्मक अन्तरक्रिया समेत गरिएको थियो। सहभागी स्रष्टाहरूले प्रकृतिको काखमा यात्रा गर्दै सिर्जनशील भावनालाई अझ नजिकबाट ...